Ley di Ombudsman awor ta forma parti di Compilacion di Leynan encuanto Derecho constitucional y Derecho administrativo Arubano

June 22, 2026

ORANJESTAD, ARUBA

Ley di Ombudsman awor den un boeki di ley

E Landsverordening Ombudsman awor oficialmente ta forma parti di e mas reciente edicion di e Compilacion di Leynan encuanto Derecho constitucional y Derecho administrativo Arubano, un desaroyo cu ta wordo considera como un paso importante den e accesibilidad di ley y conocemento huridico na Aruba.

Durante un ceremonia special na Universidad di Aruba, Ombudsman mr. sra. Jurima Bryson a ricibi e prome ehemplar di e edicion nobo. Segun sra. Bryson, tabata un honor pa por a ricibi e publicacion directamente for di man di e autornan, mr. sra. Brechtje Huiskens y mr. sra. Hannah Meijer.

Pa prome biaha, e Landsverordening Ombudsman ta inclui den e compilacion. Esaki ta un paso importante cu ta confirma e lugar di e institucion Ombudsman den nos sistema di derecho constitucional y administrativo. Segun Ombudsman, e inclusion aki tambe ta contribui na haci ley mas accesibel pa studiantenan, profesionalnan y publico en general.

Durante e ceremonia, Ombudsman a wordo compaña pa personal di Universidad di Aruba y studiantenan. Despues di e ceremonia oficial, publico presente a participa den un quiz huridico organisa pa Universidad di Aruba, creando asina un ambiente interactivo unda teoria y practica huridico a bin hunto.

Sra. Bryson a expresa su gratitud na Universidad di Aruba pa e iniciativa y na e autornan di e publicacion pa nan contribucion na fortalecemento di e conocemento di Derecho constitucional y Derecho administrativo Arubano.

Keda na altura di tur desaroyo.

Bureau Ombudsman ta mantene comunidad informa via e siguiente canalnan di comunicacion:

Scroll To Top