Organisacion

Ombudsman ta wordo asisti den ehecucion di su trabou door di e personal di Bureau di Ombudsman di Aruba.
E personal ta directamente den servicio di Bureau di Ombudsman.
Ombudsman y e personal di Bureau no ta subordina na un organo, na e manera aki ta garantisa nan posicion independiente y imparcial.
E maneho diario di Bureau di Ombudsman ta den man di e Secretaris, cu ta eherce e tarea aki den consulta cu y riba instruccion di Ombudsman.
E Adjunct-Secretaris ta asisti e Kinderombudsman y e Secretaris den nan trabou.

E Bureau Ombudsman ta consisti ademas di:

• 2 (Juridisch) Beleidsmedewerker,
• 2 Klachtbehandelaar en onderzoeker,
• 1 Medewerker klantenservice,
• 1 Medewerker technische ondersteuning,
• 1 Operationeel en financieel medewerker y,
• 1 Medewerker communicatie.

Bureau Ombudsman ta wordo lidera door di Ombudsman, mr. sra. Jurima Bryson cu a huramenta 1 di October 2024 como e prome Ombudsman di Aruba.

Ombudsman ta wordo nombra door di Staten pa un periodo di 6 aña.

Ombudsman tin como tarea, den sentido amplio, pa promove trato apropia di ciudadanonan door di e institucionnan, y pa garantisa cu e derechonan humano wordo respeta.

Kinderombudsman

Conforme Ley di Aruba, Bureau Ombudsman tambe tin un Kinderombudsman. Kinderombudsman ta percura pa un proteccion adicional di derechonan di mucha y hobennan. Kinderombudsman mester ta accesibel e.o. pa mucha mes. Door di nan posicion den comunidad, muchanan mes no por bay acudi na hues y ta menos facil pa nan por para pa nan derechonan. Tambe por sosode cu un mucha no por haci un apelacion na un adulto di confiansa. Compara cu Ombudsman, autoridad di Kinderombudsman ta concerni solamente personanan te cu 17 aña.