En conexion cu Dia Internacional di Hende Muhe, nos Ombudsman lo ofrece un presentacion na comunidad di Aruba pa celebra e dia importante aki.

Nos Ombudsman di Aruba, cu ta un ‘Ombudsvrouw’, lo presenta awe diabierna 7 di maart, di 7 – 8 or di anochi, na Centro di Bario Playa Pabou, Madiki 117, pa nos comunidad.

E tema di e anochi aki ta ‘Para pa derecho y trato igual ta na beneficio di e ser femenino’. Den cuadro di su rol pero tambe basa riba e hecho cu Ombudsman ta un ser femenino, lo para keto na e logronan di e ser femenino aki na Aruba.

Nos prome Ombudsman di Aruba kier extende un invitacion cordial na comunidad pa atende e presentacion aki. Lo bai tin na final un momento pa haci pregunta den cuadro di e presentacion.

Bureau di Ombudsman Aruba kier informa cu nan lo mantene pueblo na altura di e ultimo desaroyonan y encuanto e apertura oficial di oficina.

Pa por keda na altura di e ultimo desaroyonan, por bishita tambe e paginanan di Facebook ‘Ombudsman Aruba’, Instagram ‘ombudsmanaruba’ y LinkedIn ‘Ombudsman Aruba’.