Charla di Defensornan di Pueblo di Reino na Universidad di Aruba

ORANJESTAD, ARUBA (10 Januari, 2025) –

En conexion cu e encuentro anual di e Defensornan di Pueblo di Reino, Universidad di Aruba ta organisa un charla ‘De rol en betekenis van de Ombudsman’. E presentadonan invita pa e charla aki ta e Defensornan di Pueblo, tambe yama Ombudsmannen, di Aruba (Sra. Jurima Bryson), Curaçao (Sr. Keursly Concincion), St. Maarten (Sra. Gwendolien Mossel) y e Ombudsman Nacional (Sr. Reinier van Zutphen).

Otro siman lo tuma lugar na Aruba e encuentro anual di e Ombudsmannen di Reino. Durante tres dia – dialuna 13, diamars 14 y diaranson 15 di januari 2025 – nan lo reuni y dialoga tocante
desaroyonan importante cu tin influencia riba e trabou di e Ombudsman den Reino.

E Ombudsmannen lo presenta kico ta e trabou di un Defensor di Pueblo y splica loke esaki por significa pa e ciudadano. Universidad di Aruba ta organisa e charla aki hustamente pasobra e trabou di un Ombudsman ta nobo na Aruba y pa por informa pueblo kico e servicio di un Ombudsman ta encera. Lo bai tin tambe oportunidad pa haci pregunta.

Oficina di Ombudsman Aruba kier invita pueblo pa atende e charla aki. Entrada lo ta gratis.

Charla: ‘De rol en betekenis van de Ombudsman’
Lugar: Universidad di Aruba, Kapel, Maria Convent
Fecha: 14 Januari 2025 (diamars)
Orario: 7 – 9 pm
Registracion via: https://www.ua.aw/events/de-rol-en-betekenis-van-de-ombudsman/

Oficina di Ombudsman Aruba kier informa cu nan lo mantene pueblo na altura di e ultimo desaroyonan y encuanto e apertura oficial di oficina.